Орельен Тчуамени Франция құрамасының капитаны болып бекітілді

Футбол 10 қаз 2024 04:19

Марлен Аманов

sports24 сарапшы

Негізгі капитан қызметін атқаратын Килиан Мбаппе жарақатына байланысты қазан айындағы ойындарға қатыса алмайды. Ал вице-капитан болған Антуан Гризманн ұлттық құрамадағы мансабын аяқтады.

Дидье Дешамның таңдауы Тчуамениге түсіп, “Реалдың” жартылай қорғаушысы уақытша Франция құрамасының капитаны болады. 24 жастағы Чуамени Франция құрамасына алғаш рет 2021 жылы шақырту алды. Қазіргі уақытта, құрама сапында 36 ойын өткізіп, 3 гол соққан.

Франция Ұлттар лигасының аясында Израильға және Бельгияға қарсы екі кездесу өткізеді.