Ольмо қатарға оралды

Футбол 17 қаз 2024 13:57

Марлен Аманов

sports24 сарапшы

Дани Ольмо жарақатынан толықтай айығып “Барселона” сапындағы жаттығуларын бастады.

Испандық ойыншы алдағы матчтарға қатысады деп күтілуде. Еске сала кетейік, Ольмо “Жиронамен” өткен ойында жарақат алып, клуб сапындағы алты ойыннан тыс қалған еді.

Келесі ойындарын “Барселона” Ла-Лигада “Севильямен” және “Реал Мадридпен” өткізеді. Ішкі чемпионаттағы матчтардың арасында каталондықтар Чемпиондар Лигасында “Баварияны” қабылдайды.

Қазір “Барселона” 9 ойыннан кейін 24 ұпай жинап, турнирлік кестеде көш бастап тұр.