Мудрык арендаға кетеді: «Челси» украиналыққа ұсынылған нұсқаны қабылдамады
«Челси» клубының вингері Михаил Мудрык алдағы Англия чемпионаты маусымын лондондық команда сапында өткізбейді, деп хабарлайды Sports24.kz.
Фабрицио Романоның мәліметі бойынша, «ақсүйектердің» басшылығы украиналық ойыншыны міндетті түрде жалға беруді көздеп отыр, бірақ соңғы шешім әзірге қабылданған жоқ. Вингердің өзі Премьер-лига клубының қатарына уақытша ауысуға ниетті, оған «Лидс» қызығушылық танытып отыр.
- Сондай-ақ оқыңыз: Еурокубок жеңімпазы, тыңшы-команда және Дэдпулдың клубы: Сәтпаевтың «Бернлиіне» Чемпионшипте кімдер қарсы?
Алайда өткен маусымда Англия чемпионатында 14-орын алған «Лидс» жасаған алғашқы ұсыныс қабылданбады, клуб Мудрыкты уақытша алуға барынша тырысуда. Егер келісім жүзеге аспаса — украиналық ойыншы жаңа маусымды Франция чемпионатындағы «Страсбург» сапында өткізуі мүмкін, бұл нұсқаны да жоққа шығаруға болмайды.
Еске салайық, 31 шілдеде допинг дауына байланысты украиналықтың дисквалификациясы ресми түрде аяқталды, бұл «Челси» үшін үлкен тосынсый болды, себебі клуб құрамын Мудрыксіз жоспарлап қойған еді.
