Молдова құрамасы Эстонияны екі қызыл қағаз көрсетілген триллерде жеңе алмады

Футбол 25 нау 2025 15:05

Молдова құрамасы Эстонияны екі қызыл қағаз көрсетілген триллерде жеңе алмады

ФОТО: eestijalgpall Instagram парақшасы

25 наурызда 2026 жылғы әлем чемпионатына іріктеу кезеңінде Молдова мен Эстония құрамалары арасында ойын өтті.

Ойын Молдова құрамасының қорғаушысының бесінші минутта алаңнан қуылуымен басталды. Он адаммен қалған молдовандар бірінші таймда екі гол жіберіп алды. Ал екінші таймда жағдай түзелді – Эстония құрамасының ойыншысы алаңнан қуылып, алаң иелері бір гол соқты. Бірақ үш минуттан кейін олар бірден гол жіберіп алды. Молдованың қосымша уақыттағы екінші голы жағдайды құтқара алмады және команда 2026 жылғы әлем чемпионатының іріктеу кезеңінде екінші жеңіліске ұшырады.

Шымкенттік «Ордабасының» ойыншылары – қорғаушы Виктор Мудрак пен қақпашы Дмитрий Челядник алаңға шықпады.

ӘЧ іріктеу кезеңі - Еуропа. I тобы. 25 наурыз

Молдова - Эстония - 2:3

Голдар: Николаеску, 67, Каймаков, 90+1 - Пеетсон, 19, Саппинен, 30, Кяйт, 70.

Қызыл қағаздар: Кожокару, 5 (Молдова), Палумец, 48 (Эстония).