Месси немесе Роналду? Родри өз таңдауын жасады

Футбол Кеше 22:14

Аружан Темірбек

sports24 сарапшы

“Манчестер Сити” командасының жартылай қорғаушысы және 2024 жылғы “Алтын доп” иегері Родри Лионель Мессиді футбол тарихындағы ең үздік ойыншы деп санайды.

“Мен үшін ешқандай күмән жоқ — бұл Месси. Криштиану туа біткен талант болмаса да, Мессимен теңесетіндей мүмкіндік жасады. Бірақ олардың екеуіне қарсы ойнаған футболшылар айырмашылықты жақсы түсінеді.

Біз Криштианудың айып алаңына жақындауын қаламайтынбыз, себебі бұл өте қауіпті еді. Ал Месси әрдайым айып алаңына кіріп, бізге әлдеқайда көп қиындық тудырды. Ол допты алған сәтте, сен ішіңнен: “Қауіпті!” деп айтып үлгересің.

Алғашында оған қарсы ойнағанда, допты тартып алуға тырысатынмын, бірақ ол әрдайым мені алдап өтетін”, — деп Родридің сөзін Mundo Deportivo басылымы келтіреді.

Биылғы маусымда Родри үш матч өткізіп үлгерді, алайда тізе байламының жарақатына байланысты маусым соңына дейін қатардан шығып қалды.