Мэйсон Гринвуд өзінің Англиядағы болашағын Томас Тухелмен талқылауға дайын»

Футбол 22 қаз 2024 04:37

“Марсель” шабуылшысы Мэйсон Гринвуд Англия құрамасындағы болашағын ұлттық құраманың бас бапкері Томас Тухельмен талқылауды жоспарлап отыр.

The Sun басылымының ақпаратына сүйенсек, 23 жастағы футболшы неміс маманымен кездесіп, Англия футбол қауымдастығымен кеңес өткізгісі келеді. Гринвуд ұлттық құрамаға қайта оралу мүмкіндігінің аз екенін түсінеді, бірақ 2026 жылғы Әлем чемпионатына қатысуды армандайды.

Егер ол Англия құрамасына қайта шақырылмаса, шабуылшы Ямайка футбол федерациясының ұсынысын қабылдап, осы елдің ұлттық құрамасында өнер көрсетуге дайын.

Еске сала кетейік, 2022 жылы Гринвудқа тұрмыстық зорлық-зомбылық, зорлауға талпыну және өзінің қызын ұру айыптары тағылды. Тергеу жұмыстарының жүргізілуіне байланысты шабуылшы 18 ай бойы клубта немесе құрамада ойнаған жоқ. 2023 жылдың ақпан айында оған тағылған барлық айыптар алынып тасталды.

Мэйсон Гринвуд өткен жазда “Манчестер Юнайтедтен” “Марсельге” 26 миллион еуроға ауысты. Қазіргі маусымда шабуылшы 8 матчта 6 гол соғып, 2 нәтижелі пас авторы атанды.

Гринвуд Англия құрамасында жалғыз матч өткізді, ол 2020 жылдың қыркүйегінде Ұлттар лигасында Исландияға қарсы ойында (1:0) алаңға шықты.

Бұған дейін Манчестер Юнайтедтің жаңа қорғаушысы Лени Йоро қатарға қайта оралған болатын.

Танымал жаңалықтар