Мбаппе Парижге қайтып оралды

Футбол 12 қара 2024 01:18

Асылхан Тоқсанбек

sports24 сарапшы

"Реал" клубының шабуылшысы Килиан Мбаппе "ПСЖ" ойыншылары Ашраф Хакими мен Арнау Тенаспен бірге түскен суретін жариялады. Олар падел-теннис жаттығуы кезінде кездескен.

"Падел және достар — мінсіз үйлесім", — деп жазды Мбаппе әлеуметтік желісінде.

Еске сала кетсек, Мбаппе жазғы трансферлік терезеде "Реалға" ауысып, 2029 жылға дейін келісімшартқа қол қойған. Бұған дейін 2018 жылдан бері "ПСЖ" сапында өнер көрсеткен.

Биылғы маусымда Мбаппе "Реал" құрамында 16 матч өткізіп, 8 гол соғып, 2 нәтижелі пас берген.