Матьяж Кек: "Қазақстан құрамасына үлкен алғысымды білдіремін"

Футбол 13 қаз 2024 11:48

Аружан Темірбек

sports24 сарапшы

Словения құрамасының бас бапкері Матьяж Кек Ұлттар лигасының топтық кезеңінің 4-турында Қазақстанға қарсы өткен матч (1:0) туралы пікірін білдірді.

“Қазақстан құрамасына үлкен алғысымды білдіремін. Олар өте жақсы ойнады, бүгін өздерінің тұлғалық қасиеттерін көрсетті, сол себепті біз үшін бұл матч қиынға соқты”, – деп келтіреді маманның сөзін metaratings.kz.

Айта кетейік, Станислав Черчесовтың командасы қатарынан үшінші рет жеңіліске ұшырады: бұған дейін қазақстандықтар сырт алаңда Аустрияға (0:4) және Словенияға (0:3) есе жіберген болатын. Келесі турда Қазақстан өз алаңында Аустриямен кездессе, Словения Норвегиямен ойнайды. Екі кездесу де 14 қарашада өтеді.