Мария Демидова Беларусьта жарқырауда: Қазақстандық шабуылшының дублі ЖФК «Минскке» ірі жеңіс сыйлады

Футбол 15 мау 2025 11:59

Арсен Алиев

Редактор

Қазақстан әйелдер құрамасының ойыншысы Мария Демидова Беларусь чемпионатының 14-турында жарқырай ойнап, ЖФК «Минск» сапында дубль авторы атанды.

Оның командасы «Гомель» клубын 4:0 есебімен ойсырата жеңді.

Кездесу Минск қаласындағы «Трактор» стадионында өтті. Ойынның небәрі 5-минутында Диана Кацынель есеп ашты. 29-минутта Ангелина Курбатованың автоголы нәтижесінде «Минск» басымдығын еселей түсті. Бірінші таймның қосымша уақытында (45+2 минут) Демидова алғашқы голын соғып, есепті 3:0-ге жеткізді.

Екінші таймда да белсенділік танытқан Мария 59-минутта тағы бір гол соғып, дубль авторы атанды. Оның бұл голы командасының айқын жеңісін бекемдей түсті.

Беларусь. Жоғары лига – Әйелдер – 14-тур

ЖФК «Минск» – «Гомель» – 4:0

Голдар: 5, Кацынель, 29, Курбатова (автогол), 45+2, Демидова, 59, Демидова

Мария Демидова ЖФК «Минск» командасының қатарына 2024 жылы қосылды. Бұған дейін ол Қазақстанның көп дүркін чемпионы – «БИИК-Шымкент» клубында өнер көрсеткен.

Байланысты командалар мен лигалар

ФК Минск

Гомель