Манчестер Юнайтед Тен Хаг орнына дортмундық Боруссияның бұрынғы бапкері Терзичті қарастыруда

Футбол 14 қаз 2024 02:06

Соңғы күндері “Манчестер Юнайтед” төңірегінде Эрик тен Хагты ауыстыру туралы қауесеттер күшейе түсті. Күн сайын баспасөзде бас бапкер лауазымына жаңа үміткерлердің есімдері пайда болуда. Томас Тухель мен Симоне Индзаги қатараына тағы бір үміткер қосылды.

Дортмундтық “Боруссияның” бұрынғы бапкері Эдин Терзич “Манчестер Юнайтед” басшылығы тарапынан Эрик тен Хагтың орнына мүмкін кандидат ретінде қарастырылуда, деп хабарлайды Transfer News Live.

Дереккөз мәліметінше, “қызыл сойқандардың” басшылары 41 жастағы бапкерді кандидаттар тізіміне енгізген. “Брентфордқа” қарсы матчта команданы тізгінін Тен Хаг ұстағанымен, оның “Олд Траффордтағы” болашағы белгісіз күйінде қалып отыр.

Еске сала кетейік, Терзич дортмундтық “Боруссияны” 2020-2021 жылдары және 2022-2024 жылдары баптады. Оның басшылығымен “Боруссия” Германия Кубогы мен Суперкубогын жеңіп алды. Өткен маусымда Терзич шәкірттері Чемпиондар Лигасының финалына дейін жетті, дегенмен шешуші кезеңде клуб мадридтік “Реалға” жол берді.

Танымал жаңалықтар