Манчестер Сити Вулверхэмптонға қарсы жеңістің арқасында жаңа клубтық рекорд орнатты

Футбол 21 қаз 2024 00:33

Аружан Темірбек

sports24 сарапшы

“Манчестер Сити” Англия Премьер-лигасының (АПЛ) 8-турында “Вулверхэмптонға” қарсы ойынның соңында 2:1 есебімен жеңісті жұлып әкетті. Бұл жеңіс “қалалықтардың” чемпионаттағы жеңіліссіз сериясын 31 матчқа дейін жеткізіп, жаңа клубтық рекорд орнатты.

Бұл туралы клубтың баспасөз қызметі хабарлады. Соңғы рет “Манчестер Сити” өткен жылдың желтоқсанында “Астон Вилладан” 0:1 есебімен жеңілді.

2024/2025 маусымында өткен 8 матчтың қорытындысы бойынша, “Вулверхэмптон” турнирлік кестенің соңғы, 20-орнында бір ғана ұпаймен тұр. “Манчестер Сити” дәл осынша матч өткізіп, 20 ұпаймен екінші орынға жайғасты.