Максим Шацких Хусановты басқа қорғаушылармен неге салыстыруға болмайтынын түсіндірді

Футбол 13 сәу 2025 14:43

Айдана Смагулова

«Пахтакор» клубы президентінің спорттық мәселелер жөніндегі кеңесшісі Максим Шацких Sports24.kz порталына берген эксклюзивті сұхбатында «Манчестер Сити» қорғаушысы Абдукодир Хусанов туралы пікірін білдірді.

Оның айтуынша, Хусанов өз мәдениеттілігімен және сабырлы мінезімен ерекшеленеді, бұл оны Пуйоль мен Пепе сияқты эмоцияға берілетін ойыншылардан ажыратып тұрады. Шацкихтің сөзінше, қазір Хусанов алаңда аса көп сөйлеспейді, бірақ жасы ұлғайған сайын оның ойын мәнері өзгеруі мүмкін.

«Пуйольмен салыстыруға келмейді. Ол эмоция жағынан сәл басқа футболшы. Хусанов – өте мәдениетті, тәрбиелі және әзірге аса көп сөйлемейтін ойыншы. Мүмкін, уақыт өте келе ол да өзгере жатар. Абдукодир көбіне үнсіз ойнайды, өз ісін тыныш атқарады. Пикемен де салыстыру дұрыс емес, – деді Шацких.

Сондай-ақ ол Пепе туралы да пікір білдіріп, Хусановпен ұқсастық бар екенін, бірақ маңызды айырмашылық та бар екенін айтты: Пепе жас ұлғайған кезде жылдамдығы мен физикалық дайындығы төмендеген соң өзге қасиеттерімен бұл кемшіліктерін өтей бастаған.

«Мүмкін, ұқсастық бар шығар. Бірақ Пепе сондай болуға мәжбүр болды, себебі жасы келгенде жылдамдығы мен физикалық дайындығы жетіспей бастады. Ол оны басқа тәсілдермен толықтырды. Хусанов – Хусанов болып қала берсін!» – деді ол.

Айта кетейік, Хусанов 2024/25 жылғы қысқы трансферлік кезеңде «Ланс» клубынан «Манчестер Ситиге» ауысты. Қазіргі уақытта ол ағылшын клубы сапында барлық турнирлерде 9 матч өткізіп, бір гол және бір автоголмен көзге түсті.

Байланысты командалар мен лигалар

Манчестер Сити