Максим Самородовтың командасы ЦСКА-ға жол беріп, топта бірінші орын ала алмады
Футбол
Бүгін 00:37
Аружан Темірбек
sports24 сарапшы
Мәскеуде (Ресей) футболдан Ресей Кубогының топтық кезеңінің алтыншы туры аясында ЦСКА мен грозныйлық “Ахмат” арасындағы матч өтті.
Мәскеудегі “ВЭБ Арена” стадионында өткен ойын ЦСКА-ның 1:0 есебімен жеңісімен аяқталды. Жеңісті голды 34-минутта Секу Койта соғып, ойын соңына дейін есеп өзгеріссіз қалды. Қазақстан ұлттық құрамасының шабуылшысы Максим Самородов “Ахматтың” негізгі құрамында матчты бастап, 81-минутта алмастырылды.
Осылайша, ЦСКА С тобында топ жарып, Ресей Кубогының плей-офф кезеңінің жоғарғы торының ширек финалына шықты. Бұл матчтан кейін С тобындағы турнирлік кесте келесідей: ЦСКА — 14 ұпай (6 матч), “Ахмат” — 9 ұпай (6 матч), “Краснодар” — 9 ұпай (5 матч), “Пари Нижний Новгород” — 1 ұпай (5 матч).
Танымал жаңалықтар