Максим Самородов: "Сен қандай ойыншы болсаң да , Черчесов үшін ең бастысы — тәртіп”

Футбол 23 қаз 2024 04:05

Қазақстан құрамасының және “Ахмат” клубының шабуылшысы Максим Самородов ұлттық құраманың бас бапкері Станислав Черчесов туралы пікірін білдірді.

“Әрине, Ұлттар лигасы — бұл ең алдымен дайындық кезеңі, мен Магомед Мусаұлының сөздерімен толықтай келісемін. Әрдайым жеңіске жетуді қалайсың, бірақ В лигасындағы қарсыластар С лигасындағыдан әлдеқайда мықты. Мұны бәрі түсінуі керек. Сен қандай ойыншы болсаң да , Черчесов үшін ең бастысы — тәртіп”, — деді Самородов “Чемпионат” басылымына берген сұхбатында.

Еске сала кетейік, Станислав Черчесов бас бапкер болып тағайындалғаннан бері Қазақстан құрамасы бірде-бір жеңіске жеткен жоқ. Қазіргі уақытта команда 3-топта бір ғана ұпай жинап, соңғы орында тұр. 2024 жылдың маусымында тағайындалған 61 жастағы бапкердің басшылығымен құрама төрт матчта да гол соға алмады.

Танымал жаңалықтар