Максим Самородов Ресей Премьер-Лигасында ең қымбат футболшылардың ондығына енді

Футбол Кеше 14:00

Нұрбақыт Қадырбаев

sports24 сарапшы

Халықаралық спорттық зерттеулер орталығының (CIES) мәліметі бойынша, Қазақстан құрамасының ойыншысы Максим Самородов Ресей премьер-лигасының ең қымбат футболшылары тізімінде тоғызыншы орынға тұрақтады.

Бағалау жүйесі соңғы 2 трансфер терезесін және ондағы инфляцияны ескереді және нақты мәннен жоғары және төмен 10 пайыз шегінде есептейді. Осылайша, Қазақстан құрамасының шабуылшысы 5,8 - 7,4 миллион еуроға бағаланды.

Естеріңізге сала кетейік, Максим Самородов «Ахмат» сапында осы жылдың тамыз айынан бері өнер көрсетіп келеді. 15 кездесуде ол бір гол соғып, екі нәтижелі пас берді. Ал қазан айы бойынша, ол клубтың үздік ойыншысына дауыс беруде екінші орын иеленді.