Максим Федин Ертіске өтуі мүмкін
Максим Федин “Ертіске” көшуі мүмкін, деп хабарлайды Серый CARDINAL телеграм арнасының сарапшылары.
“Ордабасыдан ойыншылардың жаппай көшуі басталып кетті, көп сарапшылар қазіргі құрама шаршап қалды деп ойлайды. Сондықтан, клуб басшылығы бірыңғай өзгеріске бел буды. Бұған дейін хабарланған Абикен, Цвек, Игнатович, Пластун мен Бесединнің қатарына Федин де қосылды. Павлодарлық футболдың түлегі, Ертісті көтеру үшін еліне оралуы әбден мүмкін.
Айта кетейік, бұл “Ордабасыдан” кететін ойыншылардың соңғы тізімі емес. Келісім-шарты бар ойыншыларды да басшылық ауыстырғысы келеді", - деп хабарлайды телеграм арна.
Бұған дейін шымкенттік клубтың лагерінен Айбол Әбікен, Артем Беседин, Игорь Пластун, Ловро Цвек, Реджинальдо, Сергей Игнатович, Кристиан Товар және Всеволод Садовский кеткен болатын.
Максим Федин «Ордабасы» сапында 2022 жылдан бері ойнап келеді. ҚПЛ-да өткен маусымда 28 жастағы шабуылшы 11 матч өткізіп, бірде-бір гол соққан жоқ.
