Ұлттар лигасының 1/4 финалисттері анықталды

Футбол 19 қара 2024 01:31

Асылхан Тоқсанбек

sports24 сарапшы

Ұлттар лигасының барлық ¼финалының қатысушылары белгілі болды. Әрбір Лига А тобынан екі үздік команда жартылай финалға шығу үшін таласады.

Топтық кезеңнің нәтижесінде Ұлттар лигасының ¼ финалына өткен командалар: Португалия, Хорватия, Франция, Италия, Германия, Нидерланд, Испания және Дания.

Ұлттар лигасының 2024/2025 жылғы плей-офф кезеңінің жеребе тарту рәсімі 22 қарашада Швейцарияның Ньон қаласында өтеді.

Плей-офф матчтары 2025 жылдың 20 және 23 наурызында өтеді. Турнирдің жартылай финалдары 4 және 5 маусымға жоспарланған, ал үшінші орын үшін ойын мен финал 8 маусым, жексенбіде өтеді.

Ұлттар лигасының қазіргі жеңімпазы – Испания құрамасы.