Үлкен қадам: Италия Инфантиноны қолдаудан бас тартты
Италия футбол федерациясы 2027 жылдың наурызында өтетін ФИФА президенті сайлауында Джанни Инфантиноның кандидатурасын қолдаудан ресми түрде бас тартты, деп хабарлайды Sports24.kz.
Федерация президенті Джованни Малаго таратқан баспасөз хабарламасында УЕФА мен оның басшысы Александр Чефериннің ұстанымын толық қолдайтынын атап өтті. Ол италиялықтардың ФИФА-ның әлем чемпионатын басқару құқығын ішінара сатуға қатысты алаңдаушылығын бөлісетінін жеткізді:
«Біз УЕФА және басқа да еуропалық федерациялармен бірге футболды спорттық қағида, ынтымақ, тұрақты даму және жанкүйерлердің орталық рөліне негізделген идея ретінде ілгерілету үшін жұмыс істеуді жалғастырамыз.
Біз пікірталасқа ашықтық, барлық тараптардың көзқарасына назар аудару және ортақ жауапкершілік секілді диалог моделін ұстанамыз. Бұл тәсіл бүгінге дейін футболдың дамуына, жаңашылдыққа жол ашты әрі оның негізгі қағидаларын қорғап келеді», — деді Малаго.
Еске салсақ, Италия бұрыннан УЕФА-ның ФИФА турнирлерін бойкоттау туралы ұсынысын ашық қолдап келген. Алайда ірі футбол державалары арасында ФИФА президенті сайлауында Инфантиноға қолдауын ресми түрде қайтарып алған алғашқы мемлекет болып отыр.
