Әл-Кадисияға қарсы ойында Роналдудың голы Әл-Насрға көмектеспеді

Футбол Кеше 14:20

Нұрбақыт Қадырбаев

sports24 сарапшы

22 қарашада Сауд Арабиясының Про-Лигасының 11-туры аясында “Әл-Наср” мен “Әл-Кадисия” кездесті.

Матчтағы алғашқы голды 32-минутта “Әл-Наср” шабуылшысы Криштиану Роналду соқты. Бірақ таблодағы есеп ұзаққа созылмады, 5 минуттан кейін “Әл-Кадисия” командасының жартылай қорғаушысы Хулиан Киньонес алаң иелеріне голмен жауап берді. Екінші таймның басында Пьер-Эмерик Обамеянг матчта жеңіс голын соқты.

Сауд Арабиясы. 11-ші тур

"Әл-Наср" – "Әл-Кадисия" – 1:2

Голдар: Роналду 32 - Киньонес 37, Обамеянг 50.

“Әл-Наср” осы матчтан кейін 22 ұпаймен Сауд Арабиясының Про-Лигасында үшінші орында тұр. Жоғарыда “Әл-Хиләл” (28) және"Әл-Иттихад" (27) тиісінше, ертең және арғы күні матчтарын өткізеді.