Лионель Месси Аргентина құрамасының тізіміне енбеді.
37 жастағы аргентиналық жұлдыз 2026 жылы АҚШ, Мексика, Канадада өтетін Әлем Чемпионатына іріктеу матчтарына шақырту алмады.
Аргентина футбол федерациясының баспасөз қызметі жариялаған соңғы тізімде "Интер" Майами шабуылшысына орын болмады. Тізімде барлығы 28 футболшы бар. Матчтар 6 және 10 қыркүйек аралығында болады. Аргентина құрамасы Чили және Колумбия құрамасына қарсы ойын өткізеді. Іріктеу кезеңінің 6 тур қорытындысы бойынша Аргентина өз тобында 15 ұпаймен көш бастап тұр.
Месси бұған дейін ұлттық құрамадағы мансабын аяқтау жайлы сөз қозғаған болатын. Аргентина құрамасының негізгі командасы үшін Лионель 187 ойын өткізіп, 109 гол соқты. Лео ұлттық құрама сапында 2022 жылғы Әлем Чемпионатын, екі рет Америка Кубогын (2021,2024) және Финалиссима мен Олимпиаданы жеңіп алды.
Теннис
Бүгін 04:58
Теннис
Бүгін 01:07