Лев Скворцов: Әрқашан ұлттық құраманың пайдасына жұмыс істегім келеді
«Ақтөбе» клубының оң қапталдағы қорғаушысы Лев Скворцов 2026 жылғы әлем чемпионатының іріктеу кезеңіндегі наурыз айындағы матчтарға Қазақстан құрамасына шақырылмағаны жайлы өз пікірін білдірді.
«Ұлттық құраманың бас бапкерінің міндетін атқарушы Әли Әлиевпен жеке сөйлесуіміз болған жоқ. Бұл шақырту болмағаны өкінішті ме? Әр футболшы ұлттық құрамада ойнауды армандайды деп ойлаймын. Әрине, командаға көмектескім келді», – деді футболшы Legalbet.kz сайтына берген сұхбатында.
25 жастағы Скворцов 2024 жылдың желтоқсанында Ресейдің «Химки» клубынан «Ақтөбеге» жалға берілді.
Лев Скворцов 2023–2024 жылдар аралығында Қазақстан құрамасына шақыртылып, 8 матч өткізген болатын.
Әли Әлиевтің басшылығымен Қазақстан құрамасы наурыз айында екі іріктеу ойынын өткізді: Кардифф қаласында Уэльстен 1:3 есебімен жеңіліп, кейін Вадуцта Лихтенштейнді 2:0 есебімен ұтты.
Қазақстан құрамасы келесі ойынын 9 маусымда өткізеді - бұл күні Астанада команда Солтүстік Македонияға қарсы ойнайды.
Байланысты командалар мен лигалар
