Ла Лига. Реал сырт алаңда Леганесті ойсыра жеңді

Футбол Бүгін 14:43

Нұрбақыт Қадырбаев

sports24 сарапшы

24 қараша күні Ла Лиганың 14-ші туры аясында “Леганес” - “Реал Мадрид” ойыны өтті.

Кездесу 3:0 есебімен қонақтардың күткен жеңісімен аяқталды. “Бланкос” бірінші минуттан бастап допқа ие болып, өз ойынын көрсетті. Кездесудің бірінші жартысында қарсыластар қақпасына қайта-қайта қауіпті сәттер жасағанымен, тек соңында, 43-минутта ғана есеп аша алды. Винисиус айып алаңында ойыншыларды аплдап өтіп, допты Мбаппеге шығарды, ол бос тұрған қақпаға дәл тепті. Матчтың екінші таймында Вальверде мен Беллингем өз мүмкіндіктерін голға айналдыра алды. Нәтижесінде “мадридтіктер” сырт алаңда “Леганесті” жеңді.

Ла Лига. 14-ші тур. Мунисипаль де Бутарке

“Леганес” - “Реал Мадрид” – 0:3 (0:1)

Гол: Мбаппе, 43 (0:3); Вальверде 66 (0:3); Беллингем 85 (0:3)

Турдың соңында мадридтік “Реал” тікелей бәсекелестері “Барселонаның” “Сельтаға” қарсы ойында тең түскеннен кейін ұпай санын 4-ке дейін қысқартты. Естеріңізге сала кетейік, мадридтік команданың әлі де бір артық ойыны бар.