Ла Лига Эль-Класикода нәсілшілдікке қарсы айқайлаған жанкүйерлерді іздейді

Футбол 28 қаз 2024 11:03

Азат Максутбек

sports24 сарапшы

Ла Лига мен Реал Мадрид өткен Эль-Классико кезінде каталондық клуб ойыншыларын қорлап, нәсілшілдік танытқан жанкүйерлерді іздеп жатыр. Клуб пен лига өкілдері Мадридтің провинциялық ақпарат бригадасына шағым түсірді.

Реал Мадрид - Мадрид полициясынан көмек сұрап, оларға Ламин Ямалға, Рафиньяға және басқа да Барселона ойыншыларына айтылған сөздер жазылған қорлау бейнелері бар дәлелдемелерді ұсынды.

Сонымен қатар, Винисиус өзінің наразылығын білдірді және Реал Мадрид жанкүйерлерін айыптап, өзінің ойын білдірді:
– Кеше «Бернабеуде» болған оқиға, бұл нәсілшілдік қорлауды ақтауға болмайды, мұндай қылмыскерлерге біздің қоғамда орын жоқ. Мен Ламин Ямал, Ансу Фати және Рафиньяны қолдаймын, клуб кінәлілерді тауып, жазалау үшін қолдан келгеннің бәрін жасайтынына сенімдімін. Тек осылай біріккен жағдайда ғана біз нәсілшілдерді қуа аламыз.