Көшбасшы командада қалады. Рафинья «Барселонамен» келісімшартын 2028 жылға дейін ұзартады

Футбол 20 мам 2025 16:32

Нұрбақыт Қадырбаев

Редактор

Барселонаның бразилиялық вингері Рафинья клубпен келісімін 2028 жылдың жазына дейін ұзарту туралы келісімге келді, деп хабарлайды инсайдер Фабрицио Романо.

Романоның айтуынша, жаңа келісім 2028 жылдың маусымына дейін жарамды болады. Бұл туралы клуб бас бапкері Ханси Фликпен келісімшартты ұзартқаннан кейін ресми түрде хабарлайды. Неміс маманының келісімі 2027 жылға дейін есептелмек.

Рафинья 2022 жылдың жазында «Лидстен» каталондықтарға ауысты. Осы кезеңде ол 143 ойын өткізіп, 54 гол соғып, 50 нәтижелі пас берді. Ал осы маусымда ол өз позициясында әлемдегі ең үздік ойыншылардың біріне айналды және «Алтын доптың» фавориттерінің бірі болып табылады.

Байланысты командалар мен лигалар

Барселона

Ла Лига Испания