Криштиану Роналдуды сотқа бермекші

Футбол Бүгін 00:25

Асылхан Тоқсанбек

sports24 сарапшы

Криштиану Роналдуға Англияда алған косметикалық қызметтер үшін төлемегені үшін сотқа шағым түсірілді, деп хабарлайды The Sun.

Косметолог-дәрігер Рошан Равиндран футболшы 2021 және 2022 жылдары "Манчестер Юнайтед" құрамында болған кезде өткізілген процедуралар үшін ақшасын төлемегенін айтады. Дереккөздердің айтуынша, қарыз сомасы £40 мыңды құрайды. Ботокс, филлерлер және тері күтіміне маманданған Равиндран бұл соманы сот арқылы өндіріп алуды көздеп отыр.

Ағымдағы маусымда Роналду "Аль-Наср" клубында 14 матч өткізіп, 10 гол салып, 2 нәтижелі пас берген. Ойыншының клубпен келісімшарты 2025 жылдың жазына дейін жарамды, ал оның нарықтық құны Transfermarkt мәліметі бойынша €15 миллионды құрайды.

Ван Нистелрой АПЛ клубын басқаруы мүмкін