Криштиану Роналду YouTube арнасының жұлдызды қонағы кім болатынын айтты

Футбол Бүгін 02:25

Аружан Темірбек

sports24 сарапшы

“Әл-Наср” клубының жұлдызды шабуылшысы Криштиану Роналду өзінің YouTube-арнасына шақырған ерекше қонақтың MrBeast екенін жария етті. Бұған дейін Роналду бұл шығарылым жайлы “Біз ғаламторды жаратын боламыз” деп мәлімдеген болатын.

MrBeast (шын есімі — Джеймс Стивен Дональдсон) әлемдегі ең танымал YouTube-блогерлердің бірі. Оның арнасында 330 миллионнан астам жазылушы бар, ал жақында ғана ашылған Роналдудың арнасына 65 миллион адам тіркелген.

MrBeast қатысатын эпизодтың премьерасы бүгін, 21 қараша күні, Криштианудың YouTube-арнасында өтеді.

Айта кетейік, бұған дейін Роналдудың арнасындағы эпизодтарға әйгілі футболшы Рио Фердинанд пен оның сүйіктісі Джорджина Родригес қатысқан еді.