Криштиану Роналду әлеуметтік желініжаулап алды: жазылушылардың саны миллиардтан асты

Футбол 13 қыр 2024 10:23

Криштиану Роналду жаңа рекорд орнатты: жер бетіндегі әр сегізінші адам португалдық футболшының әлеуметтік желілеріне жазылған.

Криштиану Роналду әлеуметтік желілерде рекордтық көрсеткішке жетті. Португалия құрамасының аңызға айналған футболшысы әлеуметтік желілерде оның өмірін бір миллиардтан астам адам бақылайтынын мәлімдеді. Дегенмен, бұл көрсеткіш алты түрлі платформадағы жазылушыларды біріктіру арқылы алынған: Instagram, Facebook, X, YouTube және қытайлық KuaiShou мен Weibo әлеуметтік желілері.

39 жастағы футболшы арнайы үндеуінде жанкүйерлеріне қолдау мен сенімдері үшін алғысын білдірді. Ол бүкіл мансабының отбасы мен жанкүйерлер үшін футбол ойнауға арналғанын атап өтті.

Сондай-ақ, Роналду өзінің мансабындағы ең жарқын сәттер әлі алда екенін айтып, оны қолдағандармен бірге тарихты жазуды жалғастыратынын уәде етті.

Танымал жаңалықтар