Килиан Мбаппе жарақатына қарамастан көңіл көтеруге уақыт тапты. Франция жанкүйерлері ашулы

Футбол 11 қаз 2024 11:41

Франция құрамасы УЕФА Ұлттар лигасының қазан айындағы матчтарына қатысуда. Команда Израильді 4:2 есебімен жеңіп, енді Италиямен болатын келесі ойынға дайындалып жатыр. Қазіргі уақытта құрамада жарақатына байланысты бұл матчтарға капитан Килиан Мбаппе қатыспауда. Алайда Израильге қарсы ойын өткен түні оны Стокгольмдегі түнгі клубтардың бірінде байқап қалған.

Sport Bladet басылымының мәліметі бойынша, 25 жастағы шабуылшыны алдымен Стокгольмдегі Chez Jollie мейрамханасында көрген, кейін ол такси шақырып, V түнгі клубына барып, жеке бөлме жалдаған.

Айта кету керек, Мбаппе бұл матчтарға жарақатына байланысты қатыспай жатыр, дегенмен жақында ғана дәрігерлердің ұсыныстарына қарамастан Ла Лига матчына қатысқан болатын. Осы жағдай Франция құрамасының бас бапкері Дидье Дешамды бұл мәселеге қатысты түсініктеме беруге мәжбүр етті.

Танымал жаңалықтар