Кейн Бундеслигада рекорд орнатты

Футбол Кеше 22:38

Асылхан Тоқсанбек

sports24 сарапшы

Германияның Бундеслигасының 11-турында "Бавария" мен "Аугсбург" кездесті. Матч "Арена Мюнхен" стадионында өтті. Ойын 3:0 есебімен "Баварияның" жеңісімен аяқталды.

Мюнхендік клубтың шабуылшысы Харри Кейн бұл матчта үш гол соғып, хет-трик жасады. Осылайша, ол Бундеслигада 50 голға қол жеткізді. Бұл нәтижеге жету үшін Кейн бар болғаны 43 матч өткізді. Осы көрсеткіш арқылы ол Эрлинг Холандтың рекордын жаңартты. Бұған дейін Холанд дортмундтық "Боруссия" сапында 50 матчта 50 гол соққан болатын.

Қазір "Бавария" Бундеслигада 11 матчта 29 ұпай жинап, турнир кестесінде көш бастап келеді. Келесі турда, 30 қарашада, мюнхендік клуб дортмундтық "Боруссиямен" кездеседі.