Карло Анчелотти Ливерпульмен кездесуден не күтетінін айтты

Футбол Кеше 15:00

Нұрбақыт Қадырбаев

sports24 сарапшы

Ертең, 27 қарашада Чемпиондар лигасының жалпы кезеңінің 5-ші туры аясында “Ливерпуль” “Энфилд” стадионында мадридтік “Реалды” қабылдайды. Испаниялық команданың бас бапкері Карло Анчелотти кездесуден не күтетінімен бөлісті.

“Әрбір жеңіс маған сенімділік береді. “Ливерпуль” бұл жарыста өте жақсы өнер көрсетуде, бірақ біз қайтып оралдық және жақсы нәтиже көрсетеміз деп үміттенеміз. Бізде мықты құрам бар. Маусымның аяқталуына әлі өте алыс. Ертеңгі матч туралы айтар болсам, тамаша матч болады. Бұл маңызды матч. Біз ұпай жинауымыз керек. Қалған матчтарда мүмкіндігінше гол соғу керек. Үздік сегіздікке кіре аламыз деп айта алмаймын, өйткені біз екі рет жеңіліп қалдық, бірақ біз мүмкіндігінше көп ұпай алуымыз керек”, - деді маман баспасөз мәслихатында.

Естеріңізге сала кетейік, Чемпиондар лигасының биылғы маусымында кубоктың қазіргі иегерлері 4 матчта 6 ұпай жинап, 20-орында тұр. Ал “Ливерпуль”, ұпай жоғалтпай кестеде көш бастап тұр.