Канте Мбаппенің Франция құрамасына шақырылмауына қатысты пікір білдірді

Футбол 13 қара 2024 23:30

Асылхан Тоқсанбек

sports24 сарапшы

"Аль-Иттихад" пен Франция құрамасының жартылай қорғаушысы Н’Голо Канте ұлттық құраманың капитаны, мадридтік "Реалдың" шабуылшысы Килиан Мбаппенің жоқтығы жайлы пікір білдірді. Еске салсақ, бас бапкер Дидье Дешамның шешімімен Мбаппе УЕФА Ұлттар лигасының қараша айындағы ойындарына шақырылмады.

"Бұл соншалықты маңызды емес. Менің ойым тек қазір осында жүрген ойыншыларда ғана. Килиан жақын арада қайта оралады деген үміттемін, ал әзірге біз оған сәттілік тілейміз", – деп Кантенің сөзін келтіреді Instant Foot порталы.

Айта кетейік, Мбаппе қазан айындағы Франция құрамасының жиындарын да жарақатына байланысты жіберіп алған болатын.