Испания құрамасы қатарынан 18 матч бойы жеңілмей келеді

Футбол 14 қаз 2024 01:36

Марлен Аманов

sports24 сарапшы

Фуэнте Кастильо командасы Ұлттар лигасының топтық кезеңінің үшінші турында Дания құрамасын 1:0 есебімен жеңді.

Испания құрамасы соңғы 18 ресми матчта бірде-бір рет жеңілген жоқ – олардың еншісінде 16 жеңіс пен 2 тең ойын бар.

Соңғы рет олар 2023 жылдың наурызында Еуропа чемпионатына іріктеу аясында Шотландияға есе жіберген еді. Осы кезеңде “Қызыл фурия” Ұлттар лигасы мен Еуро-2024 турнирінің жеңімпазы атанды.

Айта кету керек, жолдастық матчтарды қоса есептегенде, Испания 13 матч бойы жеңілмей келеді - 11 жеңіс және 2 тең ойын, 2024 жылдың наурызында Колумбиядан 0:1 есебімен жеңілгеннен кейін.