Йозуа КИММИХ: “Біз үшін үздік 8-ге кіру әлі де мүмкін бе, білмеймін”
“Бавария” командасының жартылай қорғаушысы Йозуа Киммих Чемпиондар лигасының 1/8 финалына шығу мүмкіндігі туралы пікір білдірді.
“Қазір біз әр ойында жеңіске жетеміз деп айту қиын, бірақ біз әрине, сол мақсатқа ұмтыламыз. Біз үшін үздік 8-ге кіру әлі де мүмкін бе, білмеймін. Теориялық тұрғыдан бұл әлі де мүмкін деп ойлаймын”, - деді Киммих.
Еске сала кетейік, “Барселона” Чемпиондар лигасының жалпы кезеңінің үшінші турында “Баварияны” өз алаңында 4:1 есебімен ойсырата жеңген болатын. “Бавария” үш турдан кейін Чемпиондар лигасының жалпы кезеңінің турнирлік кестесінде 24-орынға жайғасты.
Сегіз турдың қорытындысы бойынша 36 клубтың ішінде үздік сегіз команда анықталады. Олар бірден 1/8 финалға жолдама алады, ал 9-24 орындардағы клубтар 1/8 финалға шығу үшін плей-офф матчтарын өткізеді.
