Йосип ЧОНДРИЧ: "Біз соңына дейін күрестік"
Елордалық "Астана" клубының қақпашысы Йосип Чондрич Конференция лигасы аясында Кипрдің АПОЭЛ клубына қарсы өткен (1:1) ойын туралы пікірін білдірді, деп хабарлады Meta-ratings.kz.
- "Бүгінгі ойын өте ауыр болды, біз соңына дейін күрестік. Қателіктермен жұмыс істейміз. Бізге не жетпегенін айта алмаймын. Дегенмен, кездесуде ұпай алдық, әрі қарай жылжимыз. Иә, басқа матчтарда жеңіске жетуге болатын еді, бірақ ол кезде чемпиондық үшін күрес жүріп жатты. Чемпионаттың басында біз оныншы орында болдық, ал соңында екінші орынға көтерілдік. Сол чемпиондықты алуымыз керек еді. Өкінішке қарай, сәтсіздік болды", – деді Чондрич.
Конференция лигасындағы ойындарын аяқтаған "Астана" топтық кезеңнің соңғы матчында АПОЭЛ-мен тең түсті. Григорий Бабаянның командасы турнирде бар болғаны бес ұпай жинап, жалпы кестеде 28-орынға ие болды.
Карло Бартолец АПОЭЛ-мен өткен матч туралы әсерімен бөлісті
Байланысты командалар мен лигалар
Футбол
Бүгін 04:05
Басқа спорт түрлері
Бүгін 02:52