Иньяки Уильямс: "Нико Атлетик сапында қалуды таңдағанына еш өкінгені жоқ"

Футбол 26 қыр 2024 16:57

Аружан Темірбек

sports24 сарапшы

"Атлетик Бильбао" шабуылшысы Иньяки Уильямс өзінің інісі Нико Уильямстың басктык клубта қалу туралы шешімі жайлы пікір білдірді.

"Нико "Атлетик" сапында қалуды таңдағанына еш өкінгені жоқ. Ол бұл ең дұрыс шешім болғанына сенімді. Інім Бильбаода өте бақытты және мен екеуіміз бірге ойнай беруімізді ұзақ уақытқа жалғастырамыз деп үміттенемін", — деді шабуылшы. Иньякидің сөзін Diario AS басылымы жеткізді.

Айта кетейік, жазда Нико Уильямстың "Барселонаға" ауысуы туралы белсенді қауесеттер болған, бірақ трансфер жүзеге аспады. Биылғы маусымда 22 жасар Нико Ла Лигада алты матч өткізіп, бір гол соқты.