«Химки» Франк Артигамен қоштасты: бапкерлік штаб клубтан кетті, жаңа үміткер – Адиев

Футбол 15 сәу 2025 10:25

Арсен Алиев

Редактор

«Химки» футбол клубы бас бапкер Франк Артига мен оның жаттықтырушылар құрамымен өзара келісім бойынша қоштасқанын ресми түрде хабарлады.

Ресми мәлімдемеде Артигамен бірге оның көмекшілері - Александр Димидко, Джозеп Техедо, Хосе Бермудес және Андони Сесманың келісімшарттары да тоқтатылғаны айтылды.

– «Франк, Александр, Джозеп, Хосе және Андониге кәсібилігі, еңбексүйгіштігі және жоғары адамгершілік қасиеттері үшін алғыс айтамыз. Біз бірге көптеген жарқын сәттерді бастан өткердік, бұл кезең клуб үшін де, жаттықтырушылар штабы үшін де маңызды болды. Енді алға жылжитын уақыт келді. Болашақта сәттілік тілейміз!» – делінген «Химкидің» ресми хабарламасында.

Қазіргі уақытта клуб басшылығы команданың тізгінін Магомед Адиевке тапсыру мүмкіндігін қарастырып жатыр. Ол бір маусымға келісімшарт ұсынуы ықтимал.

Айта кетейік, испан маманы Франк Артига өткен жылдың маусым айында бас бапкер қызметіне тағайындалған болатын.

РПЛ-дың 24-туры аяқталғаннан кейін «Химки» турнирлік кестеде 23 ұпаймен 12-орында тұр.

Байланысты командалар мен лигалар

Химки

Ресей Премьер-лигасы