Хесус Навас: "Желтоқсан айында мансабымды аяқтауды жоспарлап отырмын"

Футбол Бүгін 16:02

Аружан Темірбек

sports24 сарапшы

"Севилья" капитаны және Испания құрамасының бұрынғы ойыншысы Хесус Навас жарақатына байланысты осы қыста мансабын аяқтауды жоспарлап отырғанын мәлімдеді.

"Желтоқсан айында мансабымды аяқтауды жоспарлап отырмын, себебі жамбас буынының артриті мені төрт жылдан бері мазалап келеді. Бұл мәселе маған өте көп ауыртпалық тудырады және жағдай күннен-күнге нашарлап барады. Ойындардан кейін үш күн жүре алмай қаламын... Соңғы алты ай мен үшін үлкен сынақ болды", – деп бөлісті Навас.

Хесус Навас -"Севилья" клубының түлегі, 2003 жылдан бері осы клубта өнер көрсетеді. 2013-2017 жылдар аралығында ол "Манчестер Сити" сапында өнер көрсетті, кейін туған клубына оралды.

Айта кетейік, осы жазда Навас халықаралық мансабын Еуропа чемпионы ретінде аяқтаған болатын.