Хесус Навас кәсіби мансабын аяқтады

Футбол Кеше 22:48

ФОТО: Getty Images

Әлем чемпионы және екі дүркін Еуропа чемпионы атанған испандық футболшы Хесус Навас кәсіби мансабын аяқтағанын ресми түрде жариялады.

39 жастағы "Севилья" қорғаушысы соңғы матчын 22 желтоқсан күні Ла Лиганың 18-турында мадридтік "Реалға" қарсы өткізді. Кездесу андалусиялық команда үшін 2:4 есебімен аяқталды. Навас кәсіби футболдағы соңғы минуттарын өткізу үшін алаңға 65-минутта шықты.

Матч басталар алдында екі команданың ойыншылары Навас үшін құрмет дәлізін жасап, оған қошемет көрсетті. Сонымен қатар, "Реал" жартылай қорғаушысы Лука Модрич оған мадридтік клубтың барлық ойыншыларының қолтаңбасы бар жейде сыйлады.

Навастың өзі бұған дейін мәлімдегендей, маусымның ортасында мансабын аяқтауына денсаулығына байланысты жамбас жарақаты себеп болған. Бұл жарақат оған жоғары деңгейде өнер көрсетуін жалғастыруға мүмкіндік бермеген.

Карло АНЧЕЛОТТИ - Севильямен ойындағы жеңістен соң: "Жыл тамаша аяқталды".