Харри Кейн «Тоттенхэмді» Еуропа лигасындағы жеңісімен құттықтады

Футбол 21 мам 2025 17:46

Аружан Темірбек

Редактор

22 мамырға қараған түні Лондонның «Тоттенхэм» клубы тарихи жеңіске жетіп, Еуропа лигасының финалында «Манчестер Юнайтедті» 1:0 есебімен жеңді. Бұл - клубтың соңғы 17 жылдағы алғашқы трофейі және 1984 жылдан бергі алғашқы халықаралық жүлдесі. Сонымен қатар, бұл жеңіс «Тоттенхэмге» 2025/26 маусымындағы Чемпиондар лигасының топтық кезеңіне жолдама сыйлады.

Ойыннан кейін көп ұзамай клубтың бұрынғы капитаны, қазіргі таңда «Бавария» сапында өнер көрсетіп жүрген Харри Кейн өз әлеуметтік желісінде қысқа, бірақ шынайы жазба қалдырды: «Құттықтаймын».

Айта кетейік, Харри Кейн «Тоттенхэм» сапында үш бірдей финалда ойнап, трофейге жете алмаған болатын. Алайда биыл ол да жеке мансабындағы алғашқы жүлдеге қол жеткізді - Германия Бундеслигасында чемпион атанып, өзінің кәсіби жолындағы алғашқы титулын еншіледі.

Байланысты командалар мен лигалар

Тоттенхэм

Манчестер Юнайтед

Еуропа Лигасы