Хаби Алонсо Ливерпульден жеңілісі жайлы: "Бұндай ірі есеппен ұтылу оңай емес“

Футбол Кеше 23:43

Аружан Темірбек

sports24 сарапшы

“Байер” командасының бас бапкері Хаби Алонсо Чемпиондар Лигасында “Ливерпульден” (0:4) ірі есеппен жеңілгеннен кейін пікір білдірді.

“Әрине, “Энфилдке” келіп, жеңіліп қалу – орын алатын жағдай, бұндай сәттер болады. Бұндай ірі есеппен ұтылу оңай емес, бірақ “Ливерпуль” – керемет команда, олар бізді қателіктеріміз үшін жазалады. Біз осында келіп, қарсыласуға ниеттендік, белгілі бір кезеңге дейін жақсы ойнадық, бірақ 20 минутқа назарымызды жоғалтып, жеңіліске ұшырадық. Енді тек осы нәтижені қабылдап, “Ливерпульді” жеңісімен құттықтау ғана қалды,” – деді Хаби Алонсо Amazon Prime арнасына берген сұхбатында.

Айта кетейік, ойынның 61-минутында Луис Диас Кёртис Джонстың пасынан кейін есеп ашты. 64-минутта Мохамед Салахтың пасын пайдаланып, Коди Гакпо есепті еселеді. 83-минутта Салахтың тағы бір пасынан кейін Диас дубль жасады, ал қосымша уақытта, 90+2-минутта, Диас қақпаға тура соққы бағыттап, хет-трик авторы атанды.