Григорий Бабаян: "Діттеген мақсатымызға жету үшін бар күшімізді саламыз"

Футбол 24 қаз 2024 01:01

Аружан Темірбек

sports24 сарапшы

“Астананың” бас бапкері Григорий Бабаянның Конференция Лигасының негізгі кезеңі аясында өтетін “Нью-Сентс” командасына қарсы ойын алдындағы баспасөз мәслихаты.

“Бізді Уэльс елінің 16 мәрте чемпионы атанған өте азулы қарсыласпен ойын күтіп тұр. Олардың Конференция лигасына Чемпиондар лигасының іріктеуі арқылы өткенін білеміз. “Нью-Сейнтс” шабуылдаушы футбол ойнайтын ұжым, ішкі чемпионатында допты ұстау, гол соғу сияқты параметрлер бойынша көшбасшы команда. Алайда біз бұған қарап қалмаймыз, барынша өз футболымызды паш етіп, аса сауатты ойын көрсетуге тырысамыз. Бүгін стадионда жаттығу өткізіп, өте жоғары сападағы алаң екеніне көз жеткіздік. Ал ойынға келсек, әрине, діттеген мақсатымызға жету үшін бар күшімізді саламыз”,- дейді бапкер.

Естеріңізге сала кетейік, Конференция лигасының негізгі кезеңінің 1-турында “Астана” Алматыда сербиялық “ТСЦ Бачка-Топола” командасын 1:0 есебімен жеңген болатын. “Нью-Сейнтс” турнирдің бірінші кезеңінде Италияның “Фиорентина” клубына сырт алаңда 0:2 есебімен есе жіберді.