Григорий Бабаян: "Біз сырт алаңда жақсы командаға қарсы ойнап, өте сапалы футбол көрсеттік"

Футбол 22 қыр 2024 15:21

“Астананың” бас бапкері Григорий Бабаян шымкенттік “Ордабасы” командасын жеңгеннен кейінгі әсерімен бөлісті.

"Біз тамаша матч өткіздік, қарсыласқа іс жүзінде ешқандай мүмкіндік қалдырмадық. Ойын бірінші таймда шешілуі керек еді. Қарсыластың бір алыстан соққысы мен айып добы болды және бұл мүмкіндіктері голға айналды. Басқа жасаған мүмкіндіктері есімде жоқ. Жалпы, біздің ойнағанымыз, допты бақылауымыз, қорғануымыз, шабуылға шығып, қорғанысқа кері қайтаруымыз командалық жұмыстың арқасы.
Командада сенімділік пайда болды, бірақ бізге босаңсуға болмайды. Біз сырт алаңда жақсы командаға қарсы ойнап, өте сапалы футбол көрсеттік. Сондықтан мен жігіттерді тек құттықтағым келеді",-дейді бас бапкер. Sports.kz спорт-порталы “Астана" клубының баспасөз қызметіне сілтеме жасап бас бапкер Бабаянның сөзін жеткізді.

Естеріңізге сала кетейік, ҚПЛ 20-шы турында “Астана” сырт алаңда “Ордабасыны” 4:2 есебімен жеңді.

Танымал жаңалықтар