Германия құрамасы Нидерландқа қарсы ойын алдында аты аңызға айналған ойыншыларына алғыс айтты

Футбол 15 қаз 2024 01:46

Аружан Темірбек

sports24 сарапшы

Германия Ұлттар лигасының “А” дивизионында Нидерланд құрамасын өз алаңында қабылдады. Немістер 4-тур матчында 1:0 есебімен жеңіске жетіп, Джейми Левелинг ұлттық құрама сапындағы алғашқы голын соқты.

Кездесудің алдында Альянц Аренада салтанатты шара өтті. Неміс футболының аңыздары Томас Мюллер, Мануэль Нойер және Илкай Гюндоганмен ұлттық құрама атынан қоштасу рәсімі ұйымдастырылды.

Тони Кроос бұл шараға қатыса алмады, өйткені оның балалар академиясында футбол матчы өтіп жатты.

Нойер ұлттық құрамада 124 матч өткізсе, Гюндоган 82 ойын (19 гол), ал Мюллер 131 ойын (45 гол) ойнады. Мюллер мен Нойер Германия құрамасымен бірге 2014 жылы Әлем Чемпионы атанды.