Георгий Жуков: "Зенит - Ресейдегі ең мықты команда"

Футбол 17 қаз 2024 04:46

Қазақстан құрамасының және “Цанчжоу” клубының футболшысы Георгий Жуков биылғы маусымдағы Ресей Премьер-Лигасындағы бәсекелестік туралы пікір білдірді.

"“Зенит” — Ресейдегі ең мықты команда, бірақ бәсекелестік ешқайда кетпейді. Егер аздап әлсіресең, басқалары сені қуып жетеді. Кез келген команданың құлдырау кезеңдері мен өзгерістері болады, бұл - футболдың бір бөлігі. “Краснодар” өте жақсы формада, бірақ “Зениттің” құрамы басқа командаларға қарағанда шеберлігі жоғары.
Қазір Ресейде чемпионатты біржақты жеңіп алатын команда жоқ. Көптеген матчтар өте шиеленісті және болжап болмайтын сипатқа ие. Барлық клубтар бір-бірін жеңе алады. Нәтижесінде қатты тартыс болып жатыр. Бірақ, менің ойымша, бәрібір “Зенит” чемпион атанады”, — деді Жуков.

Қазіргі уақытта 11 турдан кейін “Зенит” көшбасшылардан небәрі бір ұпайға артта келеді. Петерборлықтардың еншісінде 26 ұпай, ал “Краснодар” мен “Локомотивте” 27 ұпайдан бар.

Бұған дейін “Фенербахче” мен “Зениттің” жолдастық кездесу өткізетіні белгілі болды.

Танымал жаңалықтар