ФИФА футзалдан Әлем чемпионатындағы даулы матчты қарастыратынын хабарлады

Футбол 24 қыр 2024 13:13

ФИФА Иран мен Франция құрамалары арасындағы футзалдан Әлем чемпионаты матчына қатысты ойынның келісілгендігі туралы айыптаулардан кейін тергеу жұмыстарын бастады.

Әлем чемпионаты Өзбекстанда өтуде, 22 қыркүйекте Иран құрамасы F тобындағы матчта Францияны 4:1 есебімен жеңді. Осыдан кейін Ливия құрамасы бұл ойынның келісілген болуы мүмкін деген күдікпен шағым түсірді.

Франция ойыншылары қарсыластарына әдейі жеңілген деген болжам бар, осылайша плей-офф кезеңінде жеңілірек қарсыластармен ойнау мүмкіндігін алғысы келіп, әлемдік рейтингте көш бастап тұрған Бразилиямен ширек финалда кездесуден қашқан болуы мүмкін.

Нәтижесінде Иран F тобында бірінші орын алды, Франция екінші орынға жайғасты. Екі команда да 1/8 финалға шығып, Иран Мароккомен, Франция Таиландпен ойнайтын болды. Ливия үшінші орынға ие болып, турнирден шығып қалды.

"ФИФА Өзбекстанда өтіп жатқан 2024 жылғы футзалдан Әлем чемпионатында F тобының Франция мен Иран арасындағы матчына қатысты қатысушы командалардың шағымдарынан хабардар. Бұл процесс аяқталғанша, қосымша түсініктеме берілмейді", — делінген ФИФА баспасөз қызметінің мәлімдемесінде.

Еске сала кетейік, бұған дейін Тайнан бұл жағдайға байланысты өзінің ашық наразылығын білдірген болатын.

Танымал жаңалықтар