ҚФФ-ның жаңа президентін сайлау күні жарияланды

Футбол 11 қара 2024 15:46

Павлив Никита

sports24 сарапшы

“Серый Кардинал” Telegram-арнасының мәліметінше, Қазақстан футбол федерациясының (ҚФФ) кезектен тыс конференциясы 20 желтоқсан күні өтеді. Осы жиында федерацияның жаңа президенті сайланатын болады. Жақын арада бұл лауазымға негізгі үміткерлердің есімдері де белгілі болмақ.

Еске сала кетейік, 8 қараша күні ҚФФ ресми сайтында бұрынғы президент Әділет Барменқұловтың қызметінен кеткені туралы хабарланды. Ол федерация президенті қызметін 2022 жылдың ақпан айынан бастап атқарды.

Барменқұловтың басшылығы кезінде федерация төрешілік мәселелері және келісілген матчтарға қатысты сынға ұшырады. Белгілі клубтар мен букмекерлік кеңселерді қолдайды деген айыптаулары халықаралық деңгейге дейін жетті.