Ферран Торрес Барселонаның жарақат алған ойыншылар қатарын толықтырды

Футбол Бүгін 13:34

Аружан Темірбек

sports24 сарапшы

“Барселона” Ла Лига аясындағы “Алавеске” қарсы ойында сенімді жеңіске жетіп, 3:0 есебімен басым түсті. Левандовски хет-трик жасап командаға үш ұпай сыйлады.

Дегенмен, бұл матч Ханси Флик үшін жаңа кадрлық қиындықтарсыз өтпеді. Ферран Торрес ойынды бастапқы құрамда бастады, алайда матчтың бесінші минутасында жарақат алып, алаңнан кетуге мәжбүр болды. Mundo Deportivo басылымының мәліметінше, шабуылшының жамбасынан жарақат алғаны белгілі болды, бірақ жарақаттың қаншалықты ауыр екені әлі белгісіз.

Айта кетейік, Торрес жарақат алған ойыншылар тізіміне қосылды, бұл тізімде бұған дейін Марк Берналь, Марк-Андре тер Штеген, Рональд Араухо, Андреас Кристенсен, Фермин Лопес, Дани Ольмо және Гави болды.