Евгений Березкин: “Әрқайсымызда жеңіске деген құштарлық жануда”

Футбол 03 қара 2024 03:45

Марлен Аманов

sports24 сарапшы

Кеше Қазақстан Премьер-лигасының 25-туры аясында петропавлдық “Қызылжар” және қызылордалық “Қайсар” командалары кездесті. Теріскейлік команда қонақтарды 6:2 есебімен ойсырата ұтты.

“Қайсар” қақпасына дубль жасаған Евгений Березкин матчтан кейінгі әсерімен бөлісті:

- Рақмет! Бүгін біз осы маусымдағы соңғы үйдегі ойынымызда жанкүйерлерімізді қуантқымыз келді. Әрқайсымыз алаңда бар күшімізді салдық! Маусым бойы бізге сәттілік жолдас болды, осының арқасында осындай нәтижеге қол жеткіздік. Әрқайсымызда жеңіске деген құштарлық жануда - ол әр спортшының ішінде, бұл бірінші ойын болсын, соңғы ойын болсын, маңызы жоқ.

“Қызылжар” командасы маусымның соңғы ойынын сырт алаңда “Жеңіске” қарсы өткізеді.