Еуропа лигасының 5-ші турының қорытындысы: жаңартылған турнирлік кесте
28-нен 29-қа қараған түні турнирдің жалпы кезеңінің 5-тур ойындары өтті. “Лацио” “Лудогорецпен” тең ойнап (0:0), турнир кестесінде 13 ұпаймен бірінші орынды сақтап қалды. Дәл осындай ұпай санын жинаған “Атлетик” пен “Айнтрахт” сәйкесінше 2 және 3-орындарға жайғасты.
Алғашқы сегіздіктің қатарына сондай-ақ “Галатасарай” мен “Андерлехт” (11 ұпайдан), “Аякс”, “Лион” және “Рейнджерс” (10 ұпайдан) енді.
“Тоттенхэм” 10 ұпаймен 9-орында тұр, “Манчестер Юнайтед” 12-орында (9 ұпай), “Реал Сосьедад” 16-орында (7 ұпай), “Рома” 21-орында (6 ұпай), “Порту” 23-орында (5 ұпай), ал Киевтің “Динамосы” бірде-бір ұпай жинай алмай, 36-орында қалды.
Айта кетейік, жаңартылған турнир форматына сәйкес, алғашқы 8 команда тікелей 1/8 финалға шығады, ал 9-24 орындардағы клубтар стыковтық матчтарда бақ сынайды.
