Еркін ТАПАЛОВ: “Жанкүйерлерден ұлттық құраманы қолдауды сұраймын”
Қазақстан құрамасының қорғаушысы Еркін Тапалов, Sport24.kz редакциясына берген сұхбатында Аустрияға қарсы ойын жайлы пікірін білдірді.
“Бүгінгі ойында жылдам соғылған гол мен бірінші таймдағы көрсетілген қызыл қағаз ойынға кедергі келтірді. Қарсылас соғылған екі голдан кейін сенімді ойнап, есепті сақтап қалды. Біз өз кезегімізде, қорғаныста дисциплинаны сақтап, қарсы шабуылдарға шығуға тырыстық. Бірақ бір ойыншының жетіспеуі әсерін тигізді. Екінші таймда жақсы шабуылдар болды, алайда, соңғы соққы жетіспеді. Мықты қарсылас, динамикалы футбол ойнайды. Қарсылас команданың ойыншылары жақсы чемпионаттарда өнер көрсетеді. Біз оларға қарсы ойнай аламыз, мұны өткен жылы дәлелдедік. Сәттілік жетіспей жатыр, команда қиын кезеңді бастан өткеруде, жанкүйерлерден ұлттық құраманы қолдауды сұраймын. Қолдау мен сенім арқылы бізге қажетті нәтижеге жете аламыз”.
Естеріңізге сала кетейік, Еркін Тапалов, Аустрияға қарсы ойынның 57-ші минутында, алаңға Аслан Дарабаевтың орнына шықты.
Футбол
Бүгін 14:28
